Eunice

在Greenville 住了近三年，一路以來都沒去Greenville動物園，就算是以前住在downtime，晨運行公園經過幾十次，我都沒有付費去，因總覺得鄉下動物園沒什麼好看。是次參觀都是因為有免費票！ 入到去，確實沒什麼值得一看，長頸鹿可能已算是最吸引了。 隻隻動物都廋蜢蜢，好似無啖好食咁。 行咗半小時已經行完，慶幸的是免費入埸，如需付費參觀，我一定呻自己笨，浪費金錢。

是次回港由鄉下飛芝加哥，芝加哥飛東京，東京再飛香港。乘搭UA聯合航空和日本航空。 一向都知道美國的航空公司比亞洲的航空公司差，但今年它們的服務比上年回港時，確實差了不少。 我知道空中服務員這行業是厭惡性的服務行業，但UA空中服務員的工作態度確實有需要改善的地方。 芝加哥飛東京，上機時，有2位年長的日本夫婦(相信不懂英文)，他們有2個手提行李箱，很明顯看到他們沒辦法自己放行李，空中服務員企係佢吔面前，只是說put it here 和指住個行李箱，一啲都冇諗住幫手，我知道空中服務員沒有職責幫乘客放行李箱，但明知道2個老人家放唔到，點解唔去幫手? 最後我衝咗過去幫他們。 起飛前，當每個乘客靜靜地坐在自己坐位時，兩位空服員竟然在客機後面左右兩面，高聲談論飛東京有乜好玩，客機在跑道上延遲了二十分鐘，她們就高聲地傾咗二十分鐘，我坐在尾五排，聽得十分清楚，我不清楚知道她們公司有沒有指引，不過，站在客人的角度，好唔專業囉！ 對飛機餐，一向都沒有什麼期望，基本上我會臨飛前喺機場食飽，上飛機都好少食，飲水為主，但當空服員派完餐或飲料後，唔鬼同你收垃圾，成個小時，完封不動，攪到好多乘客攞住垃圾去廁所附近自己清理。我行去睇吓佢吔做乜，又喺吹水，講落機去邊玩。 東京飛返芝加哥時，乘客需填寫入境海關申報表，派咗一半人就話無英文版，只得日文版，叫乘客喺免稅雜誌對住張英文填寫，張相字又細，老花一定睇唔到。一班飛國際航班的客機，連入境海關申報表的基本物品都不足夠，真係一D都唔專業。 航空公司overbook 係非常常見， 我 搭親美國航空都遇到overbook情況，是次東京飛返芝加哥時，又overbook, 今次喺商務客位，空中服務員廣播說：「Downgrade有500蚊賠償。又有窗口位坐。亅頂! 買得商務，又鬼要你嗰500蚊呀！成12個鐘，有商務唔坐，坐經濟客艙，鬼有人采你呀！確實，鬼都唔釆佢呀。 由芝加哥飛返鄉下的航機因空服員病假要取消，芝加哥是UA的總部，我真的不相信他們找不到另一位空服員代替，結果我要滯留芝加哥一晚，而得到的補償只是3張7元的機場代用卷， 多到呢。。。酒店仲要30分鐘車程，去到酒店，沖完涼都十二點，五點又搭酒店Shuttle 返機場趕早機返。 呻咗咁多UA的服務態度有多不好，但由鄉下飛返香港的選擇又不多，一定有一程搭

第四日亦都是目的的後一日係檳城，今日沒什麼行程，主要是屋企人買手信和食食食。 今日放棄了酒店的免費早餐，到酒店旁的大排檔吃早餐。 有蝦面，福建面，粥，魚片等等，味道不俗，比酒店的早餐好。 吃完，就回酒店吃自助早餐的生果。

今次檳城之旅真係食唔停，今日我吔食／飲咗十檔不同鋪頭或餐廳。 第一餐係酒店食早餐，因為太平凡所以無影相。 隨即出發去升旗山和極樂寺，上到巴士，司機告知今日升旗山纜車停駛維修，無得去。 唯有剩係去極樂寺參觀。 寺內有七層佛塔 (萬佛塔，Pagoda of 10,000 Buddhas)和觀音像，而且亦能俯瞰檳城市，絶對值得一去。 上寺途中 30.2公尺高的觀音銅像 萬佛塔

第二天，在酒店吃過簡單的早餐後，便步行至喬治城(GeorgeTown)，檳城陽光充沛，塗上太陽油加防UV帽都驚曬傷，去咗四日，成個人黑咗幾度 。 世界文化遺產喬治城(GeorgeTown) 行咗個半鐘，又熱又口渴，坐低食個薄餅飲杯嘢。 再行多一個鐘，吃海南雞飯 -  伍秀澤海南雞飯，海南雞雖好味，但最唔健康的雞什最正，吃完再叫多碟！

今年除了回港探親外，也和家人去了一趟檳城旅遊。其實，過咗美國後，真係好少去旅行，以前一年去2，3次旅行的光境已不複再，所有旅行預算都用來返香港。(返香港不算是旅行！)  搭廉航(香港航空)雖然冇飛機餐行李每件計，起飛有少少延誤， 但它們的服務絕對好過United Airline ! 親切笑容和幫客人放行李喺United Airline 係絕對找不到 (太多抱怨，會另寫一篇呻吓....) 乘搭香港航空出發 到達檳城，已是晚上八時，隨即返酒店放低行李出去揾食。去了酒店附近的大排檔 - 香港茶室，叫了炒㷄條，燒魷魚，魔鬼魚，豬手飯，煲仔飯等等，味道不俗，但最好味係個豬油煲仔飯，夠晒唔健康！

回美前一天，幸運地能觀賞陳慧嫻演唱會，購買機票回港之時，仍未知道她會在六月舉辦演唱會，當她的演唱會廣告一出時，發現我能在回美前一晚能看到，真係開心到爆呀，即時就準備購買演唱會門票。 認識陳慧嫻是由『玻璃窗的愛」卡式帶開始，從花店，貪貪貪，人生何處不相逢等等....， 慢慢地喜愛上這位女歌手，而我第一張買的唱片就係佢，對一個窮苦中學生，幾十蚊真係好大支出，至今她仍是我會淘銀包購買唱片的歌手之一。 對上一次觀賞她的演唱會己是十一年前，今次演唱會帶給我很多驚喜，除了有耳熟能詳的經典金曲外，慧嫻亦染了一頭金色短髮，形像耳目一新，想不到短髮很適合她，有型又後生咗。本以為會以慢歌居多，誰不知她也跳了多段勁歌熱舞，尤其是凌晨舊戲一段，一個字講晒，正！最正就是張學友為其演唱會做嘉賓 。希望佢今次復出，唔好又失蹤啦。 雖然演唱會十一時二十分完結，回家收拾好行李已是二時，五時就要起床準備回美，但真係非常值得 。 200蚊山頂位，只係影到2個人影。 係張學友同陳慧嫻嚟呀。

返到香港，梗係要食好D，補翻係美國食唔到的中餐，二十幾曰只係食咗一餐西餐。 手機食先，係亞洲比較普遍，美國好少見到手機食先呢個景象。下面只是其中一少部份，好多我都無影相。 食Buffet，我一向都認為午餐比晚餐好，一來食品種類差不多(欠生蠔，我不是生蠔愛好者，所以OK)但價錢平二百元; 二來下午吃飽飽，仲有大把時間消化，對個肚來說比較好. The Market 的 Buffet ，我覺得最好吃是它們的甜品和雞油飯。 The Market - Lunch Buffet 丼吉日本吉列專門店又係食午飯，午市套餐比晚市平一半，抵好多。 吉列豬扒@The one 丼吉日本吉列專門店 食燒味，梗係美國鄉下見都見唔到的乳豬和燒鵝啦。叉燒，雞，燒肉，勉強說自己都整得到。 乳豬燒鵝飯 自己雖然整到，但真係無佢咁脆。 至愛雞蛋仔!!

若果不是屋企人有迪士尼免費票，我相信我不會選擇在又熱又濕的情況下再遊香港迪士尼，記得第一次遊香港迪士尼，是去迪士尼面試後，他們給我assignment，計算表演員工的更衣間數目及其設備的面積，2星期後再去present 和2nd interview，收到呢個 assignment，真係頭痕，即時買張飛入去做功課，睇下D工作人員和layout，2nd interview 其實都OK，可能本人天生冇乜笑容（入面個個人都嘴角向上），最後都係冇請我。 是次再遊迪士尼，有新的景點，反斗奇兵大本營，迷離莊園，灰熊山谷，可能已經過了玩樂園的年紀，我對樂園的遊戲，興趣真的不大。 不過，我仍然希望去加州的迪士尼，因為我只剩下呢個未去。 註：强國人己經佔領迪士尼，港人繆繆可數，D工作人員仲同我講國語，我即時回應：「我係香港人，唔該廣東話！」，真係激死！ 反斗奇兵大本營

係美國鄉下地區，上一個簡單的烹飪班，閒閒地都要80蚊堂(約三小時），導師雖然不俗，設備又齊全，但我一路想學的馬卡龍課程就沒有，在家自己曾嘗試整，但欠缺技巧，做出來的買相強差人意。所以趁著今次回港，去上一堂馬卡龍班，本想去價錢經濟的工聯會上堂，（以前學過整麵包，千幾蚊有十堂每堂三小時，以成本和收益計，是非常不俗），可惜已經滿額，唯有上網找其他馬卡龍班上，有想去上有公仔圖案的 (Hello Kitty) ，可惜日期不合，最後喺石門找了 " Sandy's Bakery & Workshop  " ， 導師授課相當不俗，六人上課，小班教學，每個學生都有單獨指導，下面是我整的玫瑰馬卡龍，都OK啦！

回港期間，1600熊貓剛巧到港宣揚保育熊貓的活動，當然要去湊熱鬧啦！ 展覽雖然一時開始，但我十時三十分已經到達，主要是想在它們準備時參觀及避免擠迫。 幸好人群不是太多，又找到個陰涼位置，不然十分鐘就走人啦！ 一班義工在烈日當空下準備放置熊貓，真想俾個"贊"佢吔！ 影了約45分鐘就閃人啦， 吃完午飯再路過鐘樓， 已經 ' People mountain People Sea'人山人海，插針都插唔入 。 熊貓確實好可愛呀！ 新增說明文字 =============================================   1600隻 熊貓 是 全球野生的 數目 。 是次活動的主要目的是呼籲港人愛保育、撐持續發展，宣揚人與自然共存的訊息！ =============================================

今趟回港之旅，終於可以看到在皇室堡放置的Hello Kitty 40週年展覽，朗豪坊舉辦的2次Hello Kitty展覽，我都冇緣參觀，今次的規模雖不及朗豪坊大，但有可愛的Hello Kitty在，無問題啦！附近仲有Hello Kitty 40週年專門店，當然又要出血不少啦！ Hello Kitty 40週年誕生祭 @ 皇室堡 部份 Hello Kitty 收穫  大坑附近開了一間 Hello Kitty Secret Cafe, ，在平日下午想去朝聖一下，下午二時已經寫著是曰額滿，又不設外賣，不少 Hello Kitty Fans 都只是在外拍照留念，可惜可惜，唯有下年回港再碰碰運氣吧！  

運動白痴的我，無論是打羽毛球（仼何球類運動) ，游泳，或是踏單車，一概不行，唯獨是行山，我就可以行吓，所以趁著夏天未到，就行了幾趟山。 12/4/2014 初階，由於好耐無行山，所以選擇了位於 Table Rock, SC 的 Carrick Creek Trail Loop 行，全程約 1.8 miles ，大概用了50分鐘就行完。 Website: www.southcarolinaparks.com/tablerock/introduction.aspx Carrick Creek Trail Loop Carrick Creek Trail Loop 內的瀑布仔   27/4/2014  -  Paris Mountain State Park Trail， 全程約 5.2 miles ，大概用了3小時完成，平路多，行得都好舒服。   Paris Mountain State Park 的水庫  3/5/2014 ，Twin Falls Trail in Pisgah Forest National Park ，全程約 5.8 miles ，大概用了3小時完成，目的是看瀑布，但下雨不夠多，瀑布欠缺氣勢。 Twin Falls Trail  起歩 Twin Falls -  瀑布欠缺氣勢 17/5/2014 ，  再戰 Table Rock, SC ，今次 挑戰Table Rock Trial ， 全程約 7.2 miles ， 3.6上山 ，3.6下山  ， elevation由 1160'行到3124'，行到有点斷氣的感覺，返到屋企，對腳酸軟咗2日，真係唔認老都唔得 。 View from Table Rock Trail 

年度回港之旅，下星期出發！ 今次回港會逗留耐D，原因一:上次回港，被人投訴時間太短; 原因二: 今次要和家人一起去檳城旅行; 原因三: 逗留耐D，票價竟然平少少。雖然平極都要1200，但比起其他日子，平均都要1400來說，也慳了200。今年參考網站建議，出發8星期前和星期三訂機票會平D，所以就於星期三訂票，買完機票，幾乎日日都check住它們的價格，深恐會誤信網站建議，買貴了機票，好彩也沒有發現更平的票價，上二星期再check，同一班機價格已經升到1800~~安心 。 上年返香港有鴨鴨睇，今年有乜好睇？除了Hello Kitty 40週年誕生祭@皇室堡外， 希望臨走前可以看到六月唔知幾號的"1600熊貓遊香港 · 創意X保育" 回港之旅，期待中 ~~

住在南卡 - 格林威爾這小鎮已二年半，格林威爾是一個寧靜的美國鄉下，只有一個shopping mail ，雖然入面有所謂四間百貨公司，但買的東西有70％相同，慢慢行都只能消磨3小時，downtown是一條較為忙碌的街道（長1.0英哩)，慢慢行吓店鋪，入吓Falls Park on the Reedy 都可消磨1.5小時。 友人問我，究竟慣唔慣？初初都擔心有點唔慣，但住下來我係出乎意料的習慣，除咗冇中國餐食外（要自己廚先有得食或揸2小時去搵食外），呢度真係很適合我這一類悶人，shopping和食中餐 ，等返香港一次過shop夠和食夠佢！ 其實，呢度都有2個景點值得一看，一個係位於downtown 的 Falls Park on the Reedy，環境清幽，以前住係downtown，都會去晨運行下，而家搬咗，好耐無去囉！ Falls Park on the Reedy  另一角度的 Falls Park on the Reedy 第二個景點，就係參觀 BMW museum和廠房參觀，BMW廠房的自動化生產流程，令我十分驚訝，因為JlT理論一直以來只在書本上看到，能夠將之實行，喺香港真係未見過。不過，他們的JIT只是將庫存轉移到供應商。假若供應商不能按時交付，他們需要支付有關費用。(交貨期很短) website: www.bmwusfactory.com/zentrum/general-information/zentrum-information/ BMW museum外 BMW museum內 若果有機會嚟呢個鄉下地方，可以去參觀一下。