檳城榴櫣之旅- Day 3

今次檳城之旅真係食唔停，今日我吔食／飲咗十檔不同鋪頭或餐廳。

第一餐係酒店食早餐，因為太平凡所以無影相。

隨即出發去升旗山和極樂寺，上到巴士，司機告知今日升旗山纜車停駛維修，無得去。

唯有剩係去極樂寺參觀。

寺內有七層佛塔 (萬佛塔，Pagoda of 10,000 Buddhas)和觀音像，而且亦能俯瞰檳城市，絶對值得一去。

上寺途中

30.2公尺高的觀音銅像

萬佛塔

跟著就在寺附近的齋鋪吃午飯 (第二檔)

話說寺附近有一CNN 推介的叻沙，於是我們就問了店鋪的老板，他說出寺轉左就係啦，轉左有一檔大排擋，亦有叻沙，坐低咗，方知中伏，被人老點，但坐低咗，屋企人話點都要叫啲食或飲，於是又叫咗福建面，叻沙加紅豆冰。(第三檔)

之後，在行往巴士站的途中，終於發現傳聞中的叻沙店 (Air Itam Market 的叻沙)。店內人頭湧湧，叻沙味道濃郁，不俗，好在細細碗，二, 三啖就食完啦，今檔只係叫咗一碗兩個人食。(第四檔) 

在我仲食緊叻沙之時，屋企人在對面街市又買咗一個榴櫣，又食多件。(第五檔) 

跟著就去了姓氏橋，我覺得香港大澳仲靚過佢多多聲。不值一去。

 

再去小印度附近尋找街頭藝術，但天氣實在太熱，所以去咗食蛋撻和豆腐花降降溫，豆腐花無影相 。(第六檔) 

來到小印度，當然要試吓印度拉茶，不過，真係甜到漏，太多煉奶。(第七檔)

街頭藝術

再由小印度步行回酒店，回酒店途中，路過人氣高企的多春茶座，見到有位，立即坐低又食過，多春茶座的吐司是以碳火慢慢烘烤，烤出來的吐司香氣十足。而它們的水煮蛋，加點醬油，正！強力推介。(第八檔)

  

晚飯就在酒店附近的益香綁線吃肉骨茶，藥材味雖然比較少，但較合我口味。(第九檔)

晚飯完，又怎會少得榴櫣做甜品呢。(第十檔)

今日雖然吃了十檔，但體力消耗怎多，一點都不覺得太飽。