檳城榴櫣之旅- Day 2

第二天，在酒店吃過簡單的早餐後，便步行至喬治城(GeorgeTown)，檳城陽光充沛，塗上太陽油加防UV帽都驚曬傷，去咗四日，成個人黑咗幾度。

世界文化遺產喬治城(GeorgeTown)

行咗個半鐘，又熱又口渴，坐低食個薄餅飲杯嘢。

再行多一個鐘，吃海南雞飯 - 伍秀澤海南雞飯，海南雞雖好味，但最唔健康的雞什最正，吃完再叫多碟！

吃完午飯，就去了僑生博物館(Pinang Peranakans Mansion)，僑生博物館是一位有錢巴巴的豪華傳統大宅，入面的收藏品極為奢華。

Pinang Peranakan Mansion -  僑生博物館

去得GeorgeTown，梗係要去TVB 單戀雙城介紹的街頭壁畫和鑄鐵藝術 。

街頭壁畫

鑄鐵藝術

大熱天時，係喬治城尋找這些街頭藝術，真係攞命，行咗一個小時又去咗食嘢，今次係紅豆冰！

跟著就搭巴士去Wat Chaiya Mangkalaram - 卧佛寺，去到大門已關，唯有在窗口伸隻手入去影隻相作留念。

Wat Chaiya Mangkalaram - 卧佛寺

在Wat Chaiya Mangkalaram - 卧佛寺旁的缅甸寺，佛像高度有27尺。

行吓行吓，又到晚飯時候，是日去了佛寺附近的東方海鮮舫食海鮮，味道一般般，偏向濃味，少了點海鮮鮮味。

今日仲未食完呀，轉過頭，我吔過咗海鮮舫對面的新關仔角小販中心，又食咗撈麵和囉吔。

跟住就搭車返酒店小休一會，再到榴槤檔食甜品 - 榴槤   ~~~

檳城之旅 - 不停食，仲有2日食。。。