回港 - 陳慧嫻30周年演唱會

回美前一天，幸運地能觀賞陳慧嫻演唱會，購買機票回港之時，仍未知道她會在六月舉辦演唱會，當她的演唱會廣告一出時，發現我能在回美前一晚能看到，真係開心到爆呀，即時就準備購買演唱會門票。

認識陳慧嫻是由『玻璃窗的愛」卡式帶開始，從花店，貪貪貪，人生何處不相逢等等....，

慢慢地喜愛上這位女歌手，而我第一張買的唱片就係佢，對一個窮苦中學生，幾十蚊真係好大支出，至今她仍是我會淘銀包購買唱片的歌手之一。

對上一次觀賞她的演唱會己是十一年前，今次演唱會帶給我很多驚喜，除了有耳熟能詳的經典金曲外，慧嫻亦染了一頭金色短髮，形像耳目一新，想不到短髮很適合她，有型又後生咗。本以為會以慢歌居多，誰不知她也跳了多段勁歌熱舞，尤其是凌晨舊戲一段，一個字講晒，正！最正就是張學友為其演唱會做嘉賓。希望佢今次復出，唔好又失蹤啦。

雖然演唱會十一時二十分完結，回家收拾好行李已是二時，五時就要起床準備回美，但真係非常值得。

200蚊山頂位，只係影到2個人影。
係張學友同陳慧嫻嚟呀。