三月頭去了一趟 Costco 入貨後就兩個多月沒有去，買了一部空氣清新機，今年的春季就大派用場，來了美國這麼多年一直被花粉症困擾，開了這部機後花粉症症狀大減，以往幾年一定是不斷流鼻水打乞嗤，又要用藥噴鼻，今年所有症狀差不多全冇。
之後就一直用 Costco X Instacart 買餸，有專人送上門，
但是價錢就貴20%。小數怕長計真係好貴。
五月頭 Costco 出了政策一定要佩戴口罩才準進入，所以五月中旬左右，我們就去了一趟 Costco ，第一／二次去的時候他們竟然有派口罩給沒有口罩的人，而且每一部購物車都會用消毒劑噴消毒。入面人也不太多，絕對有六尺以上的距離。所以感覺令我放心啲啲。
一入去就買了二百多元，這裏有28件貨，網上買就應該要$300。
入去舖頭就會買咗好多唔等洗嘅嘢和零食，薯片朱古力等等。
上次去已經冇得派口罩了，可能因為而家市面上已經很容易買到，
五月口罩供應情況非常緊張。
就算是餐廳已開放，我們也沒有堂食吃，
既然出到去，二個多月沒外食／外賣，就去相熟的中餐廳買外賣。
我的第一餐是外賣燒鴨飯。
Costco果到妳吾系買好多野, 但好多都系Organic, 所以張單都吾平呀!!
回覆刪除我應該下星期會去Costco續會員, 我冧我都要過100英磅即1千港幣.
食燒鴨飯有無酸梅醬架? 唉也, 講起我都想食添, 哈哈.
我哋唔算買得好多 Organic，有啲貨品例如所有雞件非Organic 沽清，焗住買Organic。
刪除100蚊英磅應該埋唔到單，因為買下買下又買多啲。
係喎，佢冇畀醬我喎。你唔講我都唔覺。