南卡更新 (七月)

相信大家都知道全美的確診數目不斷上升，佛州，德州現在每日人數達一萬多，南卡也不斷增加，昨天又創新高，一日 2239宗 🤦，截止至7月12日 - 南卡總確診人數56485人，隔離縣Greenville 了成南卡hotspot ，每日二百人起跳。

Greenville 縣人口: 506552，確診人數: 7139 (1.4%) 

我個縣人口: 306632，確診人數: 2459  (0.8%)  - 真係梗有一個喺左近

21 至 30 歲群組確診人數升了436.5% 。不斷上升的理由，主要是長假期(獨立日，陣亡將士紀念日) 後，人們不斷外出完全不保持社交距離，出外堂食。Back to the office，沒有戴口罩或沒有足夠的保護等等。

縣政府知道出事，於6月29日已下了口罩命令，但係做啲唔做啲，只是在超級市場或藥房需要戴口罩，罰款客人只是25美元！店主100 ！咁低刑罰就知道有幾大阻嚇力，幾差啦，上星期三見口罩令下咗，天真的我以為啲人會戴口罩，所以去了一轉LIDL ，店外貼了海報說明一定要戴口罩入內，但入到去，有4成人冇戴！又沒有人阻止入內  🤦 (Costco 有人阻止。) 

上週五有新命令 -  Gov McMaster announces no alcohol sales at bars and restaurants in SC after 11 p.m.

Greenville 有幾多間鋪頭 (bars and restaurants ) 喺十一點後仲開門？3 隻手指數得曬，個 Order 真係有 Q 用咩 ? ! 

呢度唔會通告喺邊度有 Case，店舖有員工有病，普通市民是不知道的，佢有冇關門消毒都無從稽考，咁耐以嚟喺新聞見過一宗新聞，餐廳只是休息了半天就繼續開工。所以我至今仍然未敢堂食，只是幫襯有信譽的和相熟的店舖買外賣。

美國的情況將持續很長時間，我們無能為力，唯一能做的就是繼續減少外出 ( 大概兩星期外出一次買餸) ，做好自己本份就好了。