Eunice

朋友問我黑色星期五買咗乜？我答佢，我淨係買咗豬肉咋喎。 一如既往，黑色星期五都係去costco買減價豬肉，一包平八蚊，呢度5.55美金食到好多餐㗎啦。 但係喺黑色星期五之前我買咗其他嘢囉。 首先係一部大電視，我屋企部舊電視已經壞咗多時，但一直都沒有更換， 我心想現在大部分時間都在電腦網上睇電視，其實需唔需要換呢？ 結果好明顯我輸咗啦，有人買咗。 喺Uniqlo買咗一件減價的羽絨外套， 舊嗰件著咗七八年，啲羽絨都走埋一邊，係時間換。   又喺 YamiBuy 嗰度買咗啲亞洲零食和調味料   11月 The ordinary 做23% off 價錢又抵性價比又高，所以又入咗貨， 七支都係72蚊美金  由於11月大出血，所以今個聖誕大家唔送聖誕禮物啦。 儲返啲錢啦。

  上星期金針菇 4.49 。 喺個人社交平台都post咗呢張相，結果朋友話叫我快啲返香港，請我食金針菇 😂。 我post呢張相其實想表達物價真係高，唔係話我好想好想好想食。 當然也有點想吃，但係諗深一層金針菇都係see you tomorrow， 明日早上時就會原形排出，點解我要嘥咁多錢買嚟食，之後又冇消化就原形排出呢。 上網查過，原來六個月前開始， 美國有不同牌子的金針菇因李斯特菌 (Listeria) 被召回， 搞到而家來貨少，再加上現在全世界供應鍊的問題，所以金針菇價錢不斷飆升 。

  現在全世界每個地方都物價飆升，美國當然也物價高漲，我們唯有呢度慳嗰度慳。 一日去到華人超級市場見到金針菇竟然賣3.99美元😓，今年年頭也只不過是0.99美元。 想食，但都係拎起，放返低，唔買 。😂 現在在家煮餸時，大部分的菜式都是以雞為主，因為相對牛豬魚而言，雞比較平。 Lidl 全雞一磅約0.99美元左右，雞件就當然會貴啲啦，牛 strip loin至少要 6.99 美元一磅。 另外，喺美國出外一定都要用車，所以汽油一定要用。想慳都冇得慳。 喺 Costco 入油已經比較平，通常比其他油公司平0.05美元左右 (每一加侖) 但同上年5月比較已經由1.80美元升到2.91美元(加幅 > 50%) 幸運的是我們住的城市 (2.91美元) 已經比加州平 (4.49美元) 當然加州係有錢人地區，冇錢真係住唔起囉。

  自己種植嘅太陽花已經喺夏天開了，但為什麼還有秋天的太陽花？ 原因是上年買咗個 bird feeder 賞鳥， 秋天向日葵花的地方其實係啲雀仔食嘢時掉落地面的種子長出來的。 四面太陽花 之前拆咗一支大向日葵睇吓有幾多葵花子，但太細粒冇肉食，最後都係放返入bird feeder 餵雀。

  喺香港 Godiva 呢個係牌子嘅朱古力唔算平，但喺美國就真係抵到爛 近排最平見過 2.5USD一排朱古力 以下就係香港比較少見嘅甜品 Godiva Lava Cake  原價4.99USD ，買一送一，即係2.5USD一盒，一盒有四個 味道不俗，很重很香的朱古力味。 .  Godiva Flourless Chocolate Torte  原價也是4.99USD ，買一送一，即係2.5USD一盒 味道很濃，黑朱古力味有點太重，本人麻麻地。 Godiva Chocolate Pudding   原價1.8 USD 一盒 ，買一送一，即係0.9 USD一盒 唔知整個陣係咪份量搞錯咗，所以好稀， 味道好濃，食咗半杯已經好滯。 假如日後仲有買一送一 ， 我估我淨係會買返第一款 ， 因為啱我口味多啲 。

今日Google相簿彈出一個回憶十年前嘅相，原來十年前今日我喺工聯會學整雞蛋仔 呢張係嗰陣時嘅作品。 我好鍾意食雞蛋仔，以前喺香港真係一星期都會有一兩次買嚟食。 移民來到美國的鄉下地方，最近嘅雞蛋仔店舖要揸兩個鐘頭車先有得食。 咁就唯有自己整啦！ 於是幾年前我趁William Sonoma 大減價嘅時候買咗雞蛋仔模具。 由於套模具與香港嘅雞蛋仔模具有出入，體積較小沒有做到中間空心的效果  口感大有差别。 不過也能一解思鄉(小食)之愁 。

  今年的收成也不太好，種了白菜、菜心、羅勒、辣椒、瓜類、蕃茄、茄子等。 6月收割了白菜和菜心，本來想再種另一批白菜，但種子可能因為太熱沒有發芽。 今年也繼續嘗試種植蜜瓜，但是繼續失敗，我們有三個蜜瓜結咗果，第一個畀老公除雜草時剪掉，第二個畀兔仔食咗，之後我們就放置了一個籠套住蜜瓜，可惜一晚大暴雨後， 籠被吹倒，兔仔也吃了最後一個蜜瓜。 投資咗约十蚊落去種植蜜瓜，結果一無所穫，最後都係去Lidl 超市買返個0.99的蜜瓜吃， 明年還繼續種蜜瓜嗎? 

  由於屋企種嘅太陽花大失收了，有人要負荊請罪（謝謝他的 bird feeder） ，所以今年我們揸了45分鐘車去 Sol Flower of Anderson Sc 睇太陽花。 雖然不是一望無際的太陽花田 ， 又不能自己親自採摘，但有人將功補過誠意可嘉。 Sunflower Hello Kitty in the farm 臨走前也買了一束太陽花回家，十蚊五支雖然有點貴，但它們作慈善用途没問題。

  今年太陽花又失收，種咗20多30粒種子，只得幾棵出。 老公個 bird feeder 真係激死我 ，引咗好多雀仔嚟。 就算種到出嚟開花，一兩天後就畀雀仔食咗。

  自從N年前睇完薰衣草電影後，對普羅旺斯的薰衣草念念不忘， 一路都有計劃7月時去一趟普羅旺斯，但暑假機票貴得驚人，所以一直都没有起程， 在未知道何年何月可以再去旅行的時候， 今年在南卡找到了一個薰衣草農場 - Twin Creeks Lavender Farm ， 其面積雖然不大，但薰衣草也開得燦爛芬芳。 入場費每位六元，之後有一個員工講解薰衣草的品種和注意地方。 入場時每人會派一把剪刀，你可以在薰衣草園內摘薰衣草。 部分會做乾花，部分用來烹飪。 我們只是摘了五元。也買了一支薰衣草香薰油。 這次旅程非常滿足，日後或許可能會再來。

年年呢個月份左右，我都見到有蛇，今日一出去淋花，又見到啦。 拿拿林走返入屋，相信短期內我都唔會再出後園囉。 又係時候落驅蛇劑，希望趕得走佢啦。

今年已經種植紫藤四年 假如你YouTube有開聲的話，你會聽到很多雀仔聲。置身其中真的鳥語花香。  

明報 - 新冠疫苗｜張竹君稱已接種復必泰　籲公眾「快快脆脆打疫苗」【短片】 假若香港情況仍然是這樣抗拒，相信返香港探親仍然是遙遙無期。 希望大家快快脆脆打疫苗，譲世界可以回復正常。💪

我們的州長又有新搞作 - 計劃停止戴口罩命令。 我想假如呢個新聞係香港 ，應該畀人炳到上天花板 。但呢度相信冇乜人有反應。 其實命令雖然仍未實行，但現在已經有很多人沒有戴口罩，無論是超市、街上或是室內地方。上星期入過一間店舖，全店只有我倆是戴口罩（總計約十個人），個sales仲不停講嘢，雖然現在疫情暫時緩和下來，但我真係接受唔到唔戴口罩囉。 南卡完成注射兩劑疫苗只有 34.8% ，完成注射一劑疫苗只有 43.5% 。距離群体免疫還有一段距離 。 不論呢度嘅政策如何 ，短期內/長期我仍然會繼續不出外用餐和繼續戴口罩。 希望大家繼續努力，祝大家身體健康。

4月30日 更新 畀人鬧得多，終於 -  https://www.cnbc.com/2021/04/30/us-to-restrict-travel-from-covid-ravaged-india.html 5月4日起，美國將限制印度入境，禁止過去14天在印度停留過的非美國公民入境。 ---------- 4月29日 早兩日寫完印度往來美國的航班，今日就見到這個報導 - 增加印度直飛美國航班。 https://www.cnn.com/world/live-news/coronavirus-pandemic-vaccine-updates-04-29-21/h_fd247c542da38e6ee396203d760c952b " 儘管最近印度的新冠狀病毒病例激增，但印度國家航空公司 - 印度航空（Air India）正計劃在5月上旬重新安排直飛美國航班至新冠狀病毒大流行前的數量。 印度航空公司的發言人告訴CNN，該公司計劃從5月11日起每週營運32班直飛美國的航班。在新冠狀病毒大流行前，印度航空公司每週營運33班航班。 與此同時，包括英國、法國、意大利和加拿大在內的一些國家都對印度航班實施檢疫限制，或徹底禁止來自印度的航班。"  美國政府是否想試下疫苗對印度變異病毒的有效性嗎？🤔 繼續無言 - 即使已接種疫苗，我們也只能繼續戴好口罩😷 減少外出，好好保護自己 💪。

截止到今日4月26日 Greenville 縣人口: 506,552，確診人數: 73,140 (每7人就有一個曾經/正在感染) 我個縣人口: 306,632，確診人數: 40,611 (每7.5人就有一個曾經/正在感染) 南卡人口: 5,150,000 ，確診人數:  575,515 (每9人就有一個曾經/正在感染) 全美人口: 3.282 億 ，確診人數: 31,883,289  (每10人就有一個曾經/正在感染) 全美接受第一劑疫苗人數 = 140,969,663 (42.5%) 全美接受第二劑疫苗人數 =  95,888,088 (28.9%)  南卡接受第一劑疫苗人數 = 1,680,082 (40.9%) 南卡接受第二劑疫苗人數 = 1,214,810 (29.6%) 每次和朋友談論完疫情或疫苗話題後，往往只剩下一堆無奈，香港政策離地我認同，我們這裏入境政策更離地也是事實，如印度，我們仍沒有任何停飛政策。您仍然可以預訂印度返美國的航班。  美國只將列為 “紅色名單”，並發布了有關前往印度旅行的 建議 。但他們禁止旅客從英國或歐洲等地來美國。 在航班起飛前，您需要獲得陰性COVID測試結果 (3天)。到達美國後，CDC只 建議 旅客在航班後3-5天接受測試，並在留在家中7天 (進行自我隔離)。 即使測試結果為陰性，也只留在家裡 7天。 沒有接受測試的旅客，也只留在家裡10天。  實際上從大流行的第一天起，美國已經只是 建議 自我隔離，從來沒有強制。   引用自： https://www.cdc.gov/coronavirus/2019-ncov/travelers/from-other-countries.html 引用自： https://www.cdc.gov/coronavirus/2019-ncov/travelers/testing-international-air-travelers.html   在今年之內或明年，在美國 COVID個案不會為零。1. 太多變種又大門大開。2. 16歲以下還沒有開始接種疫苗 (佔美國總人口的13％ ) - 青少年接種疫苗時間表可能是秋天，較年輕的學生可能是 2022年。 3. 很多人反對COVID疫苗 (估計有25％人口)  - https://www.cidrap.umn.edu/news-perspect