今個春天行少咗山，原因係要去搵屋搬，原先租住的地方，地點不俗，近whole food supermarket ，可以行去超市同商舖。住咗二年多都十分滿意，租金也不太貴，所以可以住咗二年多，可惜，自從嚟咗個無良鄰居後，就立刻揾屋搬！
無良鄰居派對不絶，晚上二點先開始，開住的士高音樂，嘭嘭嘭！
好言勸告後，不理，投訴不理，警察來過，靜一陣，再嘈，唔鬼理人。
所以放棄，揾屋搬，費事同啲無良人做鄰居，最驚佢攞支槍出嚟就弊。
想過繼續租屋，但地點方便，租金如原先住嗰度咁上下就沒有，
最驚又有無良鄰居，所以諗買屋，
諗過買Condo但都係驚無良鄰居，買咗就好難搬，再加上鄉下condo不多，選擇小。
所以就選擇買house。
與香港相比，鄉下的house不太貴，係香港我相信我一世都買唔到。
有一個小插曲，在一個屋苑睇屋時，個經紀見我是中國人，就以為我係中國土豪，
問我是不是一筆過畀曬啲錢，我當場 "O" 曬嘴，
我可以俾曬啲錢就好啦！我邊度似土豪？？
最後，去到一個示範單位，見到個十一呎高的天花加Open Kitchen ，
立刻愛上呢度，考慮了一星期左右就落訂買。
搬了傢俬後的新居。
新居感覺不俗，但隔壁仍未有人買，希望是個好鄰居。
你好唔好意思 我係香港人 今日會由ny飛去Greenville 請問由Greenville番香港應該點樣飛最好？我諗到頭都大 哈哈 唔該哂
回覆刪除這裡沒有太多選擇，Greenville返香港 一定要轉機，通常我會飛往芝加哥或底特律，再轉機回香港。
回覆刪除希望可以幫到你 。
Hello Eunice,
回覆刪除原來妳都系搬屋呀!! 恭喜妳呀.
我都鍾意見個厨房呀, 其它吾駛講一定好靚嗱。
不能說好靚，但現在有個竇屬於自己租屋好。
回覆刪除Open Kitchen 雖然靚，但煮完飯後，成間屋有一強烈氣味。