今個春天行少咗山，原因係要去搵屋搬，原先租住的地方，地點不俗，近whole food supermarket ，可以行去超市同商舖。住咗二年多都十分滿意，租金也不太貴，所以可以住咗二年多，可惜，自從嚟咗個無良鄰居後，就立刻揾屋搬！ 無良鄰居派對不絶，晚上二點先開始，開住的士高音樂，嘭嘭嘭！ 好言勸告後，不理，投訴不理，警察來過，靜一陣，再嘈，唔鬼理人。 所以放棄，揾屋搬，費事同啲無良人做鄰居，最驚佢攞支槍出嚟就弊。 想過繼續租屋，但地點方便，租金如原先住嗰度咁上下就沒有， 最驚又有無良鄰居，所以諗買屋， 諗過買Condo但都係驚無良鄰居，買咗就好難搬，再加上鄉下condo不多，選擇小。 所以就選擇買house。 與香港相比，鄉下的house不太貴，係香港我相信我一世都買唔到。 有一個小插曲，在一個屋苑睇屋時，個經紀見我是中國人，就以為我係中國土豪， 問我是不是一筆過畀曬啲錢，我當場 "O" 曬嘴， 我可以俾曬啲錢就好啦！我邊度似土豪？？ 最後，去到一個示範單位，見到個十一呎高的天花加Open Kitchen ， 立刻愛上呢度，考慮了一星期左右就落訂買。