2015 - 日本名古屋、中部北陸 - 名古屋 >松本 (第1天)

從美國回香港，休息了二天，就出發往名古屋開始八日的名古屋，黑部立山，金沢，白川鄉，高山8天之旅。沒有由美國直接去日本，因為在Delta航空買超平機票返香港，只係627美金，再加2xx蚊來回日本機票，都係8xx蚊，但由美國飛日本再飛香港，起碼千四蚊，所以唔使講梗係返香港兩天，適應咗時差先去玩啦！

從香港搭香港快運航空去名古屋，10:20起飛，去到名古屋係15:10，十分準時，服務絕對好過美國啲航空公司 !! 因為飛返香港嗰程機又又又被取消！要被迫轉飛韓國再返香港！


入境後，即刻去買飛去名古屋車站，因為會立即去松本，在松本住一晚再上山玩立山黑部。

每次係日本買車票，對住個售票員，都有雞同鴨講嘅感覺，所以就預早在網上查好所有班次，印好晒就畀個售票員。我買嘅票係 "立山黒部アルペンきっぷ(立山黑部套票)" ，

套票網站: http://railway.jr-central.co.jp/tickets/otoku_tateyamakurobe/
班次查詢: http://www.hyperdia.com/

可以有二程指定席，和一程自由席，因為我會去金沢，所以富山去高山嗰程係冇用，但用呢個套票，都仲平過分開買。

名古屋	17:40	発	→	松本	18:45	着	[特急] SHINANO 21 特急(ワイドビュー)しなの21号	劃位 (指定券)
松本	7:48	発	→	信濃大町	8:53	着	ＪＲ大糸線(松本−信濃大町)
富山	13:02	発	→	高山	14:32	着	特急(ワイドビュー)ひだ14号 HIDA 14	自由
高山市	13:30	発	→	名古屋	16:02	着	特急(ワイドビュー)ひだ12号	劃位 (指定券)

18610日元換成的車票

第一程由名古屋站去松本要用嘅車票

去到松本已經18:45，入住松本Dormy Inn ，酒店㗎𨋢竟然有緊急厠所！！

晩餐係超級市場嘅特價壽司。

食完唞一陣就去咗浸溫泉，第一日雖然冇乜行程，但都好鬼睏。浸完就即刻瞓，明天晨早去松本城行吓，跟住就搭車去立山黑部。