Eunice

日期:   2016年10 月 15日 地點:  Craven Gap Trail, Blue Ridge Parkway, NC    全程:  4miles 時間:  1.5hr 秋高氣爽，又是紅葉季節，於是北上Asheville 地區附近出名的 Blue Ridge Parkway 看紅葉。 首先去咗服務中心睇吓嗰位置係邊，喺網上的資料不多， 想買張地圖睇，但服務中心竟然冇地圖買！！ 而且中心職員也不能準確話個入工喺邊度。 Craven Gap Trail 這條行山路徑奧巴馬總統都行過。 但行山徑入口非常難找，好彩在瞭望台找到巡邏員，仲揸車帶我哋去路徑入口。 路徑多石上而且沒太多景觀，景觀全被樹木全遮，只有少量紅葉。 因為又是原途折返的路徑，所以行咗45分鐘就回頭。 最後，都係揸車去瞭望台睇景。 雖然Blue Ridge Parkway紅葉出名，但行山見的紅葉實在太少， 如想睇紅葉，建議十月尾揸車往瞭望台睇，今次十月中去仍未見到太多紅葉， 下年要再去過。 https://www.exploreasheville.com/stories/post/craven-gap-trail/

日期:   2016年10 月 2日 地點:  Broad River Greenway, NC    全程:  6.5 miles 時間:  2hr 今次選擇距離Greenville 約一小時的Broad River Greenway, NC 。 在服務中心發現一隻有人餵養的肥貓。 路徑旁邊有一條河流，再加上藍藍的天，一個字講晒＂靚＂。 Board River 段不太難行，平路較多。 回程時不想沿途折返，所以行咗去Nicholsonville Trail, Jolly mountain Trail, Bruch Trail ， 經過Power line 再回起點。 路徑易行，適合初行人士。 http://www.broadrivergreenway.com/

日期:   2016年9 月 25日 地點:  Croft State Park - Foster's Mill Loop  全程:  6.5 miles 時間:  2hr 好耐冇行山，九月天氣仲好熱，當日最高三十度，今次選了附近Croft State Park  的 Southside  Loop Trail  行，好在多樹蔭，行起來都不太辛苦。 起步又影吓相，條路徑同騎馬人士共用，不過成個行程都見唔到馬，只見到馬米田共。 行山時要小心，分分鐘中地雷。 途經有湖，有人釣魚 這路線適合熱身，好耐冇行山的  ，平坦但乜冇斜路。 地圖: http://www.southcarolinaparks.com/files/State%20Parks%20Files/Croft/CroftTrailMap.pdf

今個春天行少咗山，原因係要去搵屋搬，原先租住的地方，地點不俗，近whole food supermarket ，可以行去超市同商舖。住咗二年多都十分滿意，租金也不太貴，所以可以住咗二年多，可惜，自從嚟咗個無良鄰居後，就立刻揾屋搬！ 無良鄰居派對不絶，晚上二點先開始，開住的士高音樂，嘭嘭嘭！ 好言勸告後，不理，投訴不理，警察來過，靜一陣，再嘈，唔鬼理人。 所以放棄，揾屋搬，費事同啲無良人做鄰居，最驚佢攞支槍出嚟就弊。 想過繼續租屋，但地點方便，租金如原先住嗰度咁上下就沒有， 最驚又有無良鄰居，所以諗買屋， 諗過買Condo但都係驚無良鄰居，買咗就好難搬，再加上鄉下condo不多，選擇小。 所以就選擇買house。 與香港相比，鄉下的house不太貴，係香港我相信我一世都買唔到。  有一個小插曲，在一個屋苑睇屋時，個經紀見我是中國人，就以為我係中國土豪， 問我是不是一筆過畀曬啲錢，我當場 "O" 曬嘴， 我可以俾曬啲錢就好啦！我邊度似土豪？？ 最後，去到一個示範單位，見到個十一呎高的天花加Open Kitchen ，  立刻愛上呢度，考慮了一星期左右就落訂買。

 來美國將近五年，每一年都會北上探親，今年是一個婚禮一個葬禮。老人家在婚禮前一週去世，但是外國人沒任何禁忌，婚禮繼續進行，白事在婚禮後。 其實老人家身體續漸變差，再加上年紀，每個人都有心理準備， 只可惜係婚禮前去世，婚禮上每個人心裡都很難過 。 北上仍然是駕車上，在華盛頓逗留了三天，一日婚禮，一日 就趁四月鬱金香季節去了弗吉尼亞州Burnside Farms賞🌼 ，舒緩一下沈重的心情。 鬱金香農場距離30分鐘，規模較上次 的 薰衣草農場大，也有很多當地人來參觀。 花雖然多，但欠缺北海道農場花海的感覺，（我仲未去過，只係睇相睇過。）😬

日期:   2016年3 月 20日 地點:  Croft State Park - Southside Loop Trail  全程:  ~ 4 miles (Total: 9.7 miles) 時間:  2hr 3 月的 天氣依然寒冷 ， 天陰陰，但好耐冇行山，所以選了附近Croft State Park  的 Southside  Loop Trail  行。 路徑缺乏指示牌 ， 行咗45分鐘後行錯路， 行了另一條 捷徑， 結果行行吓出咗大路去返停車場。 縮短了整條行山路徑，相信行咗只有4.0公里。

日期:  2016年 1月 30日 地點:  Kings Mountain National Military Park - Brown Mountain Trail  全程:  5.6miles 時間:  3hr 冬天天氣越來越冷，一般都低於十度，而且天陰陰，郊外活動可免則免，今個週末碰巧天晴，溫度也在十度以上，所以立刻去距離Greenville 一小時的  Kings Mountain National Military Park 行一轉。 路徑是平路小斜，在末段十分鐘段上斜，但不太幸苦，沒太多景觀，就算是登上Brown Mountain 小山峰 1045ft，周圍也沒太多景看👀。🌳葉已完全落下。 小 Brown Mountain 小山峰 對外冷清的景色 行完就原途折返起點。 Kings Mountain National Military Park 遊客中心

日期:  2016年 1月 3日 地點: Paris Mountain State Park  (Sulphur Spring + Turtle + Brissy Ridge Loop) 全程:  4.5miles 時間:  2.5hr 冬天並不是一個行山的季節，所以這天趁天氣回暖了少許，就在家附近的 Paris Mountain State Park 行山，又是行 Sulphur Spring Trail ，此路徑已行了數次， 簡單易行，有少許上斜和落斜，當做適量的運動。 入場費收＄5一位，但竟然沒有人清理倒下的樹木。

日期:  2015年 12月 12日 地點：Bad Creek Foothills Trail - Lower  Whitewater Falls 全程:  4miles 時間: ~ 3hr 難度:**(***最難) 由Greenville去 Bad Creek Foothills Trail 需要1小時40分鐘 。 由於 揸車行錯路，去錯咗山頂，但有幸見到 Lake Jocassee  湖景，驟雨後的湖景猶如置身仙境般，有騰雲駕霧的感覺， 影相後就掉頭回停車場泊好車開始行山。 Lake Jocassee  今次選擇行Bad Creek Foothills Trail  的 Lower  Whitewater Falls路段，全程約4英里。 開始時，路段大致上是平路，但過了一半路程後，就開始下山，相信有一英里長才到達瞭望台觀看Lower White water Falls ，從瞭望台要沿途折返， 落完斜當然要上斜，上斜路段真的有點攞命。 Lower White water Falls  Map: https://www.duke-energy.com/pdfs/Foothills_Trail.pdf

日期:  2015年 11月 15 日 地點：Tugaloo State Park - Georgia Sassafras Circle Trail  全程:  ~ 3.6 miles 時間: 2hr 難度:*(***最難) 上星期下雨，不能行山，而且南卡的紅葉已經完全落下， 所以今次Georgia行山搏一搏看紅葉， 當日天氣寒冷只得攝氏10度，天色陰暗有微微細雨。 由Greenville去 Tugaloo State Park 需要1小時10分鐘 。 沿着湖邊行，經過一些營地。道路也較平坦，非常易行。 可惜紅葉已所餘無幾。 搵咗好耐先搵到少少紅葉!  Map: http://gastateparks.org/net/go/parks.aspx?locid=23&show=map

日期:  2015年 10月 31 日 地點：Jones Gap State Park - Jones Gap Waterfall   全程:  5.3miles 時間: 3hr 難度:**(***最難) 第二次去Jones Gap State Park，入場費竟然由每位$2 加到＄5，加幅高達150%！太過份了😖 今次係去行Jones Gap Waterfall 。 不太難行，但路徑碎石頗多。 正好是紅葉高峰期，剛開始就有紅葉加瀑布，好靚！ Goggle 嘅相片效果當然加分不少! 行了一小時左右，就到達Jones Gap Waterfall 。 當日水量不太多。跟著就沿途折返起點。 Jone Gap Waterfall    臨走前再影吓詢問處附近的風景，相信下年也會再去觀賞紅葉。 Website: http://www.southcarolinaparks.com/jonesgap/jonesgap-things.aspx

日期:  2015年 10月 24 日 地點：Crowder Mountain State Park - Backside Trail + Crowders Trail 全程:  6miles 時間: 4hr 難度:*** (***最難) 今次是距離Greenville 一小時的北卡Crowder Mountain State Park， 州立公園詢問處有一些雀鳥標本  由詢問處出發行Crowders Trail路段，Crowders Trail主要是一些平路，行起來也很容易， 接着就行Backside Trail 路徑，路段是上斜山路到山頂，行起來非常吃力， 還要上336及木梯才上到山頂。 山頂風景怡人，但當日天氣比較朦朧，紅葉也比較遜色。 在山頂可選擇另一條路徑 - RockTop Trail 下山，但是路徑艱難，所以選擇沿路折返。 靚靚的紅葉    行完山就都Charlotte 的Dim Sum Chinese Restaurant 飲茶補充體力。 地圖