Eunice

黐線的機票價格/航班 😲 已經有四年多沒有返香港，香港0加3政策后耐唔耐都會睇下機票價格， 今日見到呢個網站竟然 Quote 咁嘅價畀我，最快要58小時 - USD 1917， 最平都要USD 1556，飛四日咁誇張。 希望之後多啲飛機覆航機票會平啲啦 ， 唯有繼續觀望 。😅

 好耐冇食韓國炸雞好想食，但係屋企附近的韓式炸雞執咗笠， 最近嘅韓式炸雞店要開車1小時15分鐘，不了，上網找食譜自己整。 食譜: https://youtu.be/O4oz0jT2uO0 唔想屋企大陣油煙味，所以就用咗個電磁爐喺後院露台整， 但係煲油要成30分鐘先到溫度。 整咗豉油蜜糖蒜頭味。 味道不錯又脆，但處理啲油和清洗就真係幾麻煩。 搞到我依家心思思想買個氣炸鍋添。睇下Black Friday 會唔會有好deal 先。

  辣椒和成長中的茄子 薯仔和粟米 (Hello Kitty 粟米造型)  白菜、青瓜、辣椒 上星期摘了兩支粟米、薯仔、辣椒和青瓜 (Hello Kitty 農夫造型)  粟米雖然生得有點醜，但是好甜好甜 兩星期前種了第二批種子，希望秋天前有收成

  不經不覺已經種了五年紫藤 2017 年六月 - 剛買回家的大小 2018年 - 五月初次開花 (在花盆種)感覺不太像紫藤花 2019 年 - 落地種， 買了個架畀它攀爬，感覺仍然不太像紫藤花 2020年 - 落地種了一年，大了好多，終於有紫藤花的感覺 2021年 - 花多了很多 2022年 - 今年大得很快，個花架就快支持不住。    相信明年會更美 💗

今年春天家中的花花種得不太好，種了十多朵鬱金香也只是有一朵開花。  其餘的只出葉沒有花。 雖然風信子繼續開花，但由於有暴風雨，所以很快就凋謝了。 今年農田比往年較遲播種，但看上去也不俗，希望好快有收成喇。

一 隻愛撞玻璃的傻雀 ( Cardinal) ，已經撞玻璃撞咗兩三年。 我哋嘗試過各種方法趕走佢 ， 但沒成果 。 一日我們發現玻璃門爆咗 ， 極度懷疑係佢 撞 爆 。   道門要整五百蚊(USD) ， 等咗個半月先有師傅得閒整。 荷包出血 😩

N年冇食馬拉糕，忽然之間好想食 。 於是今日跟咗張媽媽廚房整馬拉糕，不過冇蒸籠淨係用咗電飯煲蒸。 兩個人食，份量減半。 味道不過不失，應該會再整。

  平日左慳右慳，但係今年一見到呢兩隻嘢就慳唔落手。 首先喺 Costco 網站見到呢隻老虎 Hello Kitty Squishmallows - 買咗。 隔咗兩日又喺美國 Sanrio 網站見到呢隻， 又舉起雙手投降，落單買咗。 咁可愛嘅老虎乸真係忍唔到手囉 😍

  第十年蒸年糕，已經手到拿來非常純熟。 繼續係年糕、芋頭糕、蘿蔔糕。 點解要整十年？因為呢度冇得買囉。 華人/廣東人少呀。 祝大家新年快樂，身體健康！