Eunice

這一篇不是今年的，是上年九月的倉底貨。 美國有一間 Hello Kitty Grand Cafe 在加州，一間 Hello Kitty Cafe 在拉斯維加斯 ，另外有兩輛 Hello Kitty Cafe Truck 分別在東岸和西岸行走，停大城市的購物商場。 最近我們的是離我們一個半小時的 Charlotte, NC 。 Hello Kitty Cafe Truck 一年會來一次，錯過了就要等下一年。 我們早上八點半就到達，但已有十多個 Hello Kitty 粉絲在排隊等候。 到正式開始時，已經在商場打蛇餅，真估不到美國有咁多 Hello Kitty 迷。 在場人士有穿 Hello Kitty 衣服，有戴 Hello Kitty Bow，有拎 Hello Kitty 袋， 由於年齡關係，我真穿不了 Hello Kitty 衫，只是拎了 Hello Kitty 袋和帶了隻公仔， 在 Hello Kitty Cafe Truck 前瘋狂拍照。 最後破了大財，買了 Hello Kitty 公仔，水壺和杯， 仲有造型十分可愛的馬卡龍和 mini cake ，惜味道一般。 當日大滿足。  

再報告下南卡近來情況，截止到今日11月1日， Greenville 縣人口: 506,552，確診人數: 17,932 (每28人就有一個人感染) 我個縣人口: 306,632，確診人數: 8,807 (每34人就有一個人感染) 南卡人口: 5,150,000 ，確診人數: 169,228  (每30人就有一個人感染) 全美人口: 3.282 億 ，確診人數: 9,105,230  (每36人就有一個人感染) 美國總統選舉將近，選民可以提早到政府部門投票，星期五提早投票，在投票區範圍必定要戴口罩，場館內超過100多人，雖然有社交距離6尺，但是仍然有最少2成選民沒有戴口罩，但完全沒有人阻止，早上九時到達十一點半才離開。 昨日萬聖節我們已經一早說好不派糖，政府也呼籲不要 trick or treat， 我們把家中燈關掉，但仍然有一班家長車小朋友周圍拍門，當然我們沒有理會。現在疫情如此，真希望他們能提高警覺一點。 睇咗咁多，你哋係唔係好驚？ 再睇一個好睇小小的數字，州患者康復率估計 : 92.1% (quote from :https://scdhec.gov/covid19/south-carolina-county-level-data-covid-19)  但係我覺得呢個數字令到美國人覺得 COVID -19 冇乜嘢，有九成康復率，有啲鄰居甚至乎說和感冒差不多，但係COVID -19的後遺症和傳染性係佢哋所疏忽。😢他們的意識實在不敢恭維，但他們是絕對對不起一班在奮鬥的醫護人員。 最後，都係嗰句，祝大家身體健康。

今年大部分時間都在網上購物，年度的 Amazon Prime Day， 雖然叫自己慳啲，但今年也出血不少。 Prime Day 前在 Whole Food Supermarket 買滿10蚊，就有10蚊可以在 Prime Day 用， 當日，首先買了40元 Amazon gift card，因為送10 蚊Credit 可以之後用。 第二樣是擦得甩原子筆，原價 20.66，減價後 15.48。 第三樣，去角質足膜，這幾年跑步跑得多，腳踭腳皮增生，鞋過沙紙。 一直都想買來試試，但是 原價 27.95 ，真心覺得貴， 今次見到兩對 快閃價 9.88  ，就買來試試。 第四樣，見到自己買咗咁多筆，但個筆筒唔夠大，見到個筆架幾靚就買了， 但現在發覺啲筆唔夠多，所以擺啲 Hello Kitty 做裝飾。 原價 16.99，減價後 13.35 第五樣，現在不用出街，日日在家運動。 著運動褲多過著睡褲，見到呢個價 7.99立即買咗，著上去也不太差幾舒服。 之前見到 lululemon 成88 蚊一條，唔通著咗真係會識飛。 原價 18.99，減價後 7.99 第五樣，買了 Bamboo Expandable Drawer Organizer 做廚具整理 原價 22.96，減價後 15.96 最後一樣，拉麵碗，好貴，原價 45.99，減價後  32.39 但老公話想買，又話有排都冇得去拉麵店吃，買個碗返來扮吓，話食麵有點氣氛。🤔 最後最後，今天就用了 Gift card 的10蚊 Credit 買了二盒衞生巾。