Eunice

3月頭開始在家中將種子發芽 (Seed Starting Trays)   4月頭，由於天氣仍然寒冷，還未能將菜苗轉種到農地  暫將菜苗放在小花盆，早上放出去曬太陽，晚上放回室內 今個星期終於把菜苗轉種到農地  希望它們快快高長大  (有茄子、芥菜、蕃茄、上海白菜、白菜等等) 第三年種菜，希望今年收成較好， 因為今年有專員在屋企專心照料，專員應該仲有排在家工作

再報告下南卡近來情況，南卡在4月7日發佈了Stay at Home order。截止到今日4月20日，南卡有 4439 個案。我住的那個縣有219個，今天之前，每日確診病例大約有百多至二百幾單。今天忽然62單，州政府立即放寛政策 (乜咁似香港啲人話政府想DSE開考咁嘅？！)，開返部分non-essential business ，重開海灘，見到佛羅里達州 Jacksonville 海灘咁嘅狀況，我都不敢😵。 我明白政府想重開的原因，但抗疫的成功主要是政府政策再加上市民合作和意識，假如店鋪的員工和顧客也戴口罩或face cover ，再加上適當的社交距離，其實開舖也沒有問題。但實際上又真的能做到嗎？現在附近的超級市場也只有 Fresh Market 做到，所以我到目前為止都冇去超市買菜，只用上網買菜。至今我們已30日沒出去買菜。 今次疫情，全球各個政府的表現真的不願置評，衰啲講句全部不合格，不過都有可取之處，錯而能改，遲做好過冇做。大家在口水戰又有什麼意義？俗語有話: 少說話多做事，不如乖乖地做啲嘢仲好。 最後繼續祝大家身體健康，全世界加油。  #Stay at home# 參考:  （南卡人口約5百21萬人，面積32020平方英里 -比南韓小），香港人口約7百50萬人，面積427平方英里 另外，我想分享今天看到的視頻。

很有意義的活動 非常感謝為我們服務的一班醫護人員，公職人員，超市員工，運輸和物流工人等等等。 全世界加油 ! #Global Citizen# #Together At Home#

近來看到社交媒體的一些報道或個人評論，心裏真是很不是味兒，在現在這個全球抗疫的時候，大家是否要放下成見或政治立場，共同努力去抗疫？只要它一直存在世界某一個地方，沒有一個人是可以不受影響的，無論染病的人係住喺中國，香港，或者美國，都係 一個都嫌多 。什麼恭喜美國中獎，什麼三萬thanks ，究竟講呢啲嘢嘅人有冇諗過，香港人每日都戴着口罩，努力咗咁耐，若果都仲有30,000人係確診的話，個嚴重性係有幾大呢？唔通真係要群體免疫？！病毒係不分人種，沒有因為你是中國人或美國人而免疫，它是不分政治觀念，沒有因為你是黃，你是籃／紅而免疫。互相沮咒和說不是只會令負能量更加增加，人與人之間充滿仇恨。大家多一點包容少一點仇恨吧。 另外睇新聞見到復活節香港有好多人出街，真係冇眼睇😱，好嬲！香港人努力咗咁耐真係唔可以出事！🙏，大家再忍耐多一下好嗎？ Anyway，大家保重身體。希望疫情快啲過，全世界欠自津的人忽然茅塞頓開，stay at home!